Արդյո՞ք Մենք Ապրում Ենք Միայն Եռաչափ Հարթության Մեջ։ Եռաչափ և Քառաչափ Հարթություններ

Ընկալման և Իրականության Փնտրտուքներով

Երբևէ մտածե՞լ ես, թե արդյոք կյանքը միայն այն է, ինչ տեսնում, լսում կամ զգում ենք: Շատերս ապրում ենք մի համակարգի մեջ, որտեղ իրականությունը ձևավորվում է մեր ֆիզիկական զգացողությունների միջոցով՝ այն, ինչ շոշափելի ու ներկայում է թվում:

Սակայն այս մակերևույթից այն կողմ ընկած է ավելի խորը ճշմարտություն՝ բազմաչափ գոյություն, որն ազդում է մեր կյանքի ընկալման և կերտման վրա:

Եռաչափ և քառաչափ տարածությունները միայն մաթեմատիկայի մասին չեն, այլ դրանք կարող են ստեղծել նոր հնարավորություններ անձնական աճի և ինքնաբացահայտման համար։

Եռաչափ հարթություն. սահմանափակ մտածողությամբ կյանք

Եռաչափ հարթությունը այն ֆիզիկական աշխարհն է, որում մենք ամեն օր ապրում և շարժվում ենք։ Սա նյութական իրերի միջավայրն է՝ մարմին, շրջակա միջավայր և այն ամենը, ինչ ընկալվում է մեր զգայարանների միջոցով։ Այստեղ կյանքը թվում է կառուցվածքային և գծային՝

• Այստեղ ժամանակը թվում է անկոտրում. Եռաչափ տարածությունում ժամանակը ընկալվում է որպես պահերի հաջորդականություն՝ անցյալից ներկա և անորոշ ապագա: Ինչ եղել է՝ ավարտվել է, ինչ գալիք է՝ անհասանելի է։

  
  

• Պատճառահետևանքային կապը գերակայում է. Ամեն ինչ թվում է տրամաբանական օրենքներով կառավարված: Հաջողությունը ջանքերի արդյունք է, իսկ անհաջողությունները՝ արտաքին իրադարձությունների հետևանք։

  
  

• Իրականությունը թվում է անփոփոխ. Եռաչափ մտածողությունը մեզ համոզում է, որ աշխարհն այն է, ինչ կա՝ հաստատուն և արտաքին իրականություն, որին պետք է հարմարվել, այլ ոչ թե ստեղծել։

  
  

Այս «սահմանափակ մտածողությունը» մեզ պահում է ներկայի մեջ, սակայն սահմանափակում է մեզ՝ անցյալը դարձնելով հիշողություն, իսկ ապագան՝ երևակայություն, թողնելով մեզ ներկայիս կարճատև պահի մեջ։

Քառաչափ հարթություն. Իրականության ավելի խորը ըմբռնում

Եռաչափ տարածությունից այն կողմ ավելի մեծ պատկեր է բացվում, դա քառաչափ հարթությունն է։ Այս տարածությունը ֆիզիկական աշխարհից փախչելու մասին չէ, այլ՝ ֆիզիկական աշխարհի ենթադրյալ սահմանները հաղթահարելու։ Այն գիտակցության, երևակայության և փոխկապակցվածության միջավայրն է։

Այստեղ ժամանակի և տարածության սահմանները վերանում են՝

• Ժամանակը դառնում է հոսուն. Քառաչափ տարածությունում անցյալը, ներկան և ապագան բաժանված չեն ։ Դրանք գոյություն ունեն որպես միասնական ամբողջություն, որը կարող ենք նորից վերապրել կամ վերաձևավորել մեր կենտրոնացման և երևակայության միջոցով։

  
  

• Դու ես ստեղծում. Արտաքին աշխարհը քո ներքին վիճակի արտացոլումն է։ Այսինքն փոխելով քո մտքերն ու զգացմունքները՝ կարող ես վերափոխել քո կյանքի փորձառությունները։

  
  

• Երևակայությունը ստեղծում է իրականություն. Մեր երևակայությունը դառնում է ստեղծագործության պլան։ Այն, ինչ մեր մտքում պատկերացնում ենք և զգում որպես իրական, նյութական աշխարհում դառնում է իրականության հիմք։

Այս հարթությունը մարտահրավեր է նետում ավանդական մտածելակերպին՝ մարտահրավեր նետելով մեզ տեսնել սահմաններից այն կողմ և ընդունել, որ կյանքը պարզապես այն չէ, ինչը մեզ հետ պատահում է, այլ այն, ինչ մենք ինքներս ենք ստեղծում։

Ինչպե՞ս միավորել այս երկու հարթությունները

Այս երկու տարածությունների միջև ապրելը կարող է հավասարակշռություն ստեղծել։ Մի կողմից, մենք կարիք ունենք եռաչափ հարթության կառուցվածքի՝ ֆիզիկական աշխարհում ապրելու համար։ Մյուս կողմից, քառաչափ հարթությունը մեզ օգնում է արթնացնել մեր ստեղծագործ ուժը և ընդլայնել մեր հնարավորությունների ըմբռնումը։

Հարթությունների միջև կապ հաստատելու համար կարող ես անել հետևյալը՝

1. Մարտահրավեր նետիր ավանդական մտածելակերպի տեսակետին.

   
   

   • Ընդունիր, որ քո ներկա սովորույթներն ու համոզմունքները ժամանակի և իրականության մասին հաստատուն օրենքներ չեն։ Դրանք նախկինում սովորած մոդելներ են, որոնք կարող ես փոփոխել։

     
     

   • Հարցրու ինքդ քեզ՝ այն, ինչ տեսնում եմ, միակ ճշմարտությո՞ւնն է։ Կարո՞ղ է իրականությունը լինել ավելին, քան այն, ինչ իմ զգայարաններն են ինձ հուշում։

     
     

2. Պրակտիկ վարժություն իրականությունը դիտարկելու քառաչափ իրականության տեսանկյունից

   
   

   • Ամեն օր մի քանի րոպե տրամադրիր զգայարանների աշխարհից դուրս գալուն։ Փակիր աչքերդ և պատկերացրու ցանկալի վիճակը, կարծես այն արդեն իրական է։

     
     

   • Մտածիր ոչ թե քո ցանկալի իրականության մասին կողքից որպես ականատես, այլ քեզ պատկերացրու այդ իրականության մեջ և դրա կրողը։

     
     

   • Զգա այդ վիճակի էմոցիաները՝ ուրախություն, երախտագիտություն կամ խաղաղություն, և թույլ տուր, որ դրա հետ ասոցացվող զգացողությունները քեզ համակեն։ Այս պրոցեսը քո ներքին վիճակը համապատասխանեցնում է քո ցանկալի իրականությանը։

     
     

3. Նկատիր, թե ինչպես է արտաքին աշխարհը արտացոլում քո ներքին վիճակը.

   
   

   • Ուշադրություն դարձրու, թե ինչպես են քո մտքերն ու զգացմունքները ձևավորում քեզ հետ կատարվող իրադարձությունները։ Երբ դու փոխում ես քո ներքին կենտրոնացումը, արտաքին աշխարհը հաճախ պատասխանում է փոփոխություններով։

     
     

4. Ընդունիր ժամանակը որպես փոփոխման ենթակա երևույթ

   
   

   • Անցյալը դիտարկիր որպես ինչ-որ մի բան, որը կարելի է նորից վերապատկերել և վերաիմաստավորել։ Հիշողությունները հաստատուն չեն. դրանք այն պատմություններն են, որ մենք ինքներս մեզ պատմում ենք։ Նմանապես, ապագան ընդունիր որպես մի կտավ, որի վրա կարող ես պատկերել յուրաքանչյուր նպատակ՝ կախված, թե ինչի վրա ես կենտրոնանում հիմա։

     
     

Սովորության և օրենքի հակադրությունը. Ինչպե՞ս ազատվել սահմանափակումներից

Քառաչափ տարածությունը զգալու ամենամեծ խոչընդոտներից մեկը սովորությունն է։ Ավանդական և սահմանափակ միտքը կառչում է առօրյայից՝ պնդելով, որ այն, ինչ միշտ եղել է, շարունակվելու է նույն կերպ։

Սակայն սովորությունը օրենք չէ. այն կարելի է փոխել։ Ներքին ուշադրությունն ուղղելով դեպի քո ներսը՝ ֆիզիկական աշխարհի աղմուկից դուրս, կարող ես սկսել ձևավորել նոր սովորություններ՝ մտածելակերպի և երևակայության մեջ։ Այս նոր սովորույթները կհամապատասխանեցնեն քեզ քառաչափ տարածության մեծ ու փոխկապակցված իրականությանը՝ թույլ տալով տեսնել անցյալը, ներկան և ապագան որպես միասնական ամբողջություն։

Ինչպես կիրառել բազմաչափ հարթությունների գաղափարը առօրյա կյանքում

Եռաչափ և քառաչափ տարածությունները մեր փորձառության կարևոր մասերն են։ Եռաչափ տարածությունը կյանքին տրամադրում է կառուցվածք՝ բեմ, որի վրա մենք խաղում ենք մեր պատմությունները։

Սակայն քառաչափ տարածությունը բացահայտում է ավելի խորը ճշմարտություն՝ որ մենք պարզապես դերասաններ չենք, այլ մեր սցենարի ստեղծողները։

Երբ դու համատեղում ես եռաչափ տարածության հիմնավորված գործնականությունը քառաչափ տարածության լայնարձակ ստեղծարարության հետ, կյանքը փոխվում է։

Մարտահրավերներն ընկալվում են որպես աճելու հնարավորություններ, ապագան դառնում է նկարելու կտավ, իսկ ներկայիս պահը՝ կամուրջ ֆիզիկականի և անսահմանության միջև։

Իսկ ո՞ր կետում ես գտնվում դու այսօր։ Պատրա՞ստ ես արդյոք դուրս գալ սովորական մտքի սահմաններից և ընդունել չափսերով ավելի մեծ աշխարհը։ Ամեն ինչ սկսվում է մեկ մտքից, մեկ տեսլականից և հավատից, որ իրականությունն ավելի ընդարձակ է, քան թվում է։

Այս հոդվածը հանդիսանում է Mind Rise Hub -ի մտավոր սեփականությունը և տարածելիս անհրաժեշտ է նշել հոդվածի աղբյուրը։